(Ceghito ni den buek sesajo untuk meghapu, bukan nak ngutuk oghang, bukan nak nyakitkan hati oghang…Tapi kalau sakit ati tu..makno er dah dapek..dah paham apo yang den nak sampaikan. Kalau ghaso kono topek kek batang idung… bukan salah den… tu salah ekau sobab TAK PANDAI NGELAK…)
"Abah.......Abah...oooo....Abah"
"Yo......Apo Aman....?"
"Bang Olan tanyo..Abah gi mesjid tak malam ni....?"
"Kobar an kek dio Abah tak poie..."
"Napo Bah......kang kok dio tanyo Aman nak jawab apo?"
"Bah......Nak jawab apo Bah...?"
"Alaaaaaa...kau ni Amaaaaaan....aaaah kau cakap Abah ado kojo Parti"
-----------------------------------------------------------------------
"Pak Seman......pagi-pagi pakai spek itam lak nie...poie pokan ko..?"
"Pokan apo Lan.....bak den kopi O...cam biaso..."
"Apo cito parti......?"
"Parti apo bondo...nie tengok nie aar..."
"Iyoooo tu Pak Seman....apo lak lobam tuuuuuu..?"
"Apo lak laie...kojo Makcik kau laaaaar..... balik-balik sughau tibo-tibo er ditampar muko den"
"Pasal apo....cam ado tak pueh ati lak?"
"Dio maghah...dituduh er den takdo kojo lain...dah tuo...dokek nak gi kubor poie suko ghio kek parti.... dah tak ingek pekagho lain.."
"Abih tu....Pak Seman poie tak mesyuarat parti tuh?"
"Poie apo bondo er...mato den bongkak..niiii...daie nih...kau tak nampak.?"
"Hahahaha...."
"Golak...golak....kang kau lak den tampar...den pun gogham kek kau ni...."
"Ni Makcik mano...pagi ni tak nampak kek kodai Jeman..."
"Heh...tido laie...domam...den bagi duo tigo liang semalam. Dio cakap.....smalam jumpo Aman ngan kau... dio tau pasal parti tu maso tu lah.........."
"Oooooo.... Pak Seman...ado kojo jap...dok lar yo...."
"Haaaaa......sobab dek kau lar den jadi camni......poie lah....."
No comments:
Post a Comment